المكان: في صالة منزل تونسي بحت و متواضع!
الزمان : وقت خايب برشا
الزمان : وقت خايب برشا
الجدة: يا صليحة، برا شعللنا الكانون باش نطيب كاس تاي
الدنيا باردة
يا بنيتي ما ينفع فيها كان كاس تاي احمر
صليحة المليحة: باهي يامي، اتوا نشعل الكانون، اما توا باش نتفرج في مهند!
الجدة: يا بنيتي برا شعلي الكانون! ياخي شكونو مهند هذايا الي قالبلك مخك! ربي يحبس علينا العقل و الدين!
صليحة: مسلسل حلو برشة يامّي !امان نتفرج فيه وبعد نشعلك الكانون! و لا علاش ما يشعلوش ولد ولدك اوكا قاعد يتفرج في التلفزة! ولا كان انا نعمل الحاجات هاذي؟ قالتلنا الأستاذة متع التربية المدنية راهو ثمة مساواة بين المرا و الراجل في تونس! مالا قلو يشعل الكانون!
الحفيد(صابر): ايا فك عليا انتي قالو مساواة! انا ما نيش ناقصك انتي توة! فك عليا خليني نلوج على تونس سبعة باش نتفرج في البرتي!
صليحة: ها ها ها ! انا نعرف علاش متغشش! في بالك فريقك باش ياخو البطولة بعد ما ربح الجمعة الفايتة، ياخي الجمعة هاذي طلعتلو دلاعة، تي يا ربي، قرعة و لا شسمها!
صابر: ايا برا فك عليا خيرلك هالنهار !
صابر يبدل القناة الي فيها المسلسل (قناة عربية) شماتة في أختوالنبارة!
الجدة: يا وليدي شبيك فسدتها التلفزة!
صابر: ما فسدتهاش يامّي، لاباس عليها!
الجدة: مالا شبيها التصويرة كانت صافية تلمع، ولات خضرا باهتة! و لا انا ما عادش نشوف! غدوا نقول لولدي التوكابري يشريلي مرايات جدد!
صابر: لا يامّي، راني بدلت القناة و برة، حطيت تونس سبعة!
الجدة: وانتي فاش قام عليك تحطلنا فيها اك المغبونة! ياخي احنا مواطنين بالخارج!؟
صابر: يامّي حتى انا ما نحبهاش اما كان هيا تعدي الماتشوات متع البطولة!
الجدة: يا ولله بطولة ممحونة مغروم بيها! حتى كان جا فريقك يربح فيها! ملي نعرف الدنيا، ديما انتوما الثالثين! كانك فالح راك لاهي بقرايتك و لا عالقليلة راك تبعت فريق ديما يجي الأول باش ترتاح و ترتحنا!
صابر: (يتململ و يكظم الغيظ إحتراما للجدة)و يقول(عامل فيها موش هوني):هاهو الماتش بدا يامّي يعيشك خليني نتبع!
الجدة : باهي! خليني نتبع معاك!
الماتش يبدأ و المعلق يبدأ بالخوار، تي بالحديث!
الجدة: تيشكونو هاللي يبعوق في التلفزة! ممصتو! حتى الملاعبية ما يعرفهمش! كان حطوني في بلاصتو نحكي احسن منو! ياخي سكران ولا يتبولد؟ اش اسمو؟ و اش لزهم يجيبوه يتكلم في التلفزة، ملا فضيحة، و و و و ......
و اوغلت الجدة في التخرنين و التنبير العجائزي!
صابر باش يسكتها مدلها تصويرة تذكاريةعاملها اك العام مع المعلق الي موش عاجب الجدة!
الجدة: وه عليك يا وليدي! ما لقيت مع شكون تتصور! تيهاو لا صوت لا صورة هالمواطن!
صابر: منين جبتها كلمة مواطن يا مّي؟
الجدة: ثمة باج على الفايس اسمها Tebourba ville - طبربة المدينة ،ديما يقول فيها! نعمل عليه كيف ساعة ساعة!
صابر مذهولا من الجدة القافزة: ياخي تعرف Tebourba ville ؟
الجدة: مالا لا! Abonnée كل حاجة جدبده توصلني أنا لولا ...
الجدة: يا بنيتي برا شعلي الكانون! ياخي شكونو مهند هذايا الي قالبلك مخك! ربي يحبس علينا العقل و الدين!
صليحة: مسلسل حلو برشة يامّي !امان نتفرج فيه وبعد نشعلك الكانون! و لا علاش ما يشعلوش ولد ولدك اوكا قاعد يتفرج في التلفزة! ولا كان انا نعمل الحاجات هاذي؟ قالتلنا الأستاذة متع التربية المدنية راهو ثمة مساواة بين المرا و الراجل في تونس! مالا قلو يشعل الكانون!
الحفيد(صابر): ايا فك عليا انتي قالو مساواة! انا ما نيش ناقصك انتي توة! فك عليا خليني نلوج على تونس سبعة باش نتفرج في البرتي!
صليحة: ها ها ها ! انا نعرف علاش متغشش! في بالك فريقك باش ياخو البطولة بعد ما ربح الجمعة الفايتة، ياخي الجمعة هاذي طلعتلو دلاعة، تي يا ربي، قرعة و لا شسمها!
صابر: ايا برا فك عليا خيرلك هالنهار !
صابر يبدل القناة الي فيها المسلسل (قناة عربية) شماتة في أختوالنبارة!
الجدة: يا وليدي شبيك فسدتها التلفزة!
صابر: ما فسدتهاش يامّي، لاباس عليها!
الجدة: مالا شبيها التصويرة كانت صافية تلمع، ولات خضرا باهتة! و لا انا ما عادش نشوف! غدوا نقول لولدي التوكابري يشريلي مرايات جدد!
صابر: لا يامّي، راني بدلت القناة و برة، حطيت تونس سبعة!
الجدة: وانتي فاش قام عليك تحطلنا فيها اك المغبونة! ياخي احنا مواطنين بالخارج!؟
صابر: يامّي حتى انا ما نحبهاش اما كان هيا تعدي الماتشوات متع البطولة!
الجدة: يا ولله بطولة ممحونة مغروم بيها! حتى كان جا فريقك يربح فيها! ملي نعرف الدنيا، ديما انتوما الثالثين! كانك فالح راك لاهي بقرايتك و لا عالقليلة راك تبعت فريق ديما يجي الأول باش ترتاح و ترتحنا!
صابر: (يتململ و يكظم الغيظ إحتراما للجدة)و يقول(عامل فيها موش هوني):هاهو الماتش بدا يامّي يعيشك خليني نتبع!
الجدة : باهي! خليني نتبع معاك!
الماتش يبدأ و المعلق يبدأ بالخوار، تي بالحديث!
الجدة: تيشكونو هاللي يبعوق في التلفزة! ممصتو! حتى الملاعبية ما يعرفهمش! كان حطوني في بلاصتو نحكي احسن منو! ياخي سكران ولا يتبولد؟ اش اسمو؟ و اش لزهم يجيبوه يتكلم في التلفزة، ملا فضيحة، و و و و ......
و اوغلت الجدة في التخرنين و التنبير العجائزي!
صابر باش يسكتها مدلها تصويرة تذكاريةعاملها اك العام مع المعلق الي موش عاجب الجدة!
الجدة: وه عليك يا وليدي! ما لقيت مع شكون تتصور! تيهاو لا صوت لا صورة هالمواطن!
صابر: منين جبتها كلمة مواطن يا مّي؟
الجدة: ثمة باج على الفايس اسمها Tebourba ville - طبربة المدينة ،ديما يقول فيها! نعمل عليه كيف ساعة ساعة!
صابر مذهولا من الجدة القافزة: ياخي تعرف Tebourba ville ؟
الجدة: مالا لا! Abonnée كل حاجة جدبده توصلني أنا لولا ...
